- O evento, que se celebrou os días 8 e 9 de novembro en Vigo, reuniu a máis de 300 persoas dos sectores sanitario, sociosanitario, informático e das novas tecnoloxías.
- Como aconteceu o ano anterior, as ágoras foron o punto que marcou a diferenza con respecto a outros eventos de alto interese
#RIES, o fórum internacional organizado polo Clúster Saúde de Galicia, CSG, para abordar os retos e oportunidades do ecosistema sanitario, celebrou os días 8 e 9 de novembro a súa oitava edición no Hotel Attica21 4****s Business & Wellness, Vigo. A temática centrouse nos “Ecosistemas innovadores de saúde” co fin de englobar unha das principais finalidades do CSG: ser unha plataforma de colaboración público-privada entre os distintos axentes do sector que promova proxectos innovadores colaborativos.
O evento, que reuniu o pasado día 8 a case 200 persoas e o día 9 a máis de 300, contou cunha clara orientación empresarial e o apoio do sector público que se evidenciou coa presenza de tres consellerías da Xunta de Galicia, o Consorsio Zona Franca, Concello de Vigo, Axencia Galega de Innovación e Instituto Galego de Promoción Económica. Todos os seus representantes estiveron acompañando aos participantes e visitando os diferentes espazos do #RIES23.
Na mesma liña presentouse ao ecosistema sanitario galego as Irmandades de Escocia e Eslovenia, dous dos principais colaboradores internacionais do CSG, e os membros do proxecto. Senior Eco-Nect (#SEN), onde o Clúster Saúde de Galicia, CSG, participa na identificación de interesados e solucións para o plan de acción, a organización de obradoiros temáticos e a difusión dos resultados, que foron presentados no fórum. As tres delegacións tiveron a oportunidade de vivir e coñecer de primeira man todo o que se está a traballar en Galicia para impulsar os sectores sanitario, sociosanitario, das novas tecnoloxías e das tecnoloxías da información e, coma sempre, coa posibilidade de poder traspasar fronteiras.
ÁGORAS, MESAS REDONDAS E KEYNOTES
Sen dúbida, o enriquecedor programa que se desenvolveu este ano para o #RIES23 é o que permitiu ao foro acadar resultados tan positivos. Tanto a participación dos Keynotes, Vania de la Fuente Núñez e Nick Guldemond, como a celebración das ágoras e mesas redondas foron todo un éxito. A calidade dos relatores e do contido é indiscutible. Cada ano trabállase máis para adaptarse ao que demanda a cidadanía, e contar coa participación de líderes autonómicos, nacionais e internacionais para compartir as súas diferentes perspectivas supón todo un reto.
Nas mesas redondas, os asistentes puideron ver a varios profesionais especializados, especialmente en Intelixencia Artificial e Biotecnoloxía. Todos compartiron as súas opinións e puideron responder e facerse preguntas entre eles para xerar máis discusión. Os obxectivos deste tipo de dinámicas son sinxelos: promover o diálogo e ofrecer opinións diversas sobre un tema común. Ambas foron acadadas por todos os relatores grazas á forma en que compartiron as súas experiencias e traxectoria profesional.
As ágoras foron o punto que marcaba a diferenza con respecto a outros acontecementos de grande interese. As entidades líderes permitiron a creación dun espazo de debate interactivo sobre temas específicos como a Lonxevidade, OneHealth, Biotech e Intelixencia Artificial (IA), promovendo un intercambio dinámico de ideas e mellores prácticas. Así, o VIII Fórum RIES 2023 proporcionou un ámbito de coñecemento, pero tamén un ámbito para establecer conexións valiosas dando aos participantes a posibilidade de entrar en contacto con profesionais de diversos sectores, promovendo a colaboración a todos os niveis.
PREMIOS #RIES23 E BOAS PRÁCTICAS #SEN
Os premios #RIES23 son unha tradición deste evento. Trátase dunha oportunidade para que as entidades poidan visibilizar os seus proxectos de innovación a través dun vídeo dun minuto. As candidaturas presentadas foron avaliadas polo Comité Honorífico de #RIES23, que designou os seguintes gañadores:
- Premio Innovación CSG – Plexus Tech con “Plataforma de Resultados en Salud”
- Premio Impacto nas persoas – IDEA con “Albergue de Peregrinos Senior Bidealde”
- Premio Coñecemento – 10 METS coa presentación do seu proxecto “10mets”
- Premio Comunidad CSG – BigFormación con “BIG TEAM”
- Premio Revelación – FlowReserve con “FlowReserve: medicina personalizada en cardiología”
- Premio Resiliencia – UNIRISCO, elixido polo equipo do Clúster Saúde de Galicia, CSG, pola súa capacidade para superar as adversidades, adaptarse a situacións difíciles e recuperarse delas de forma exemplar.
Nesta oitava edición tamén se aproveitou para presentar os seleccionados como casos de boas prácticas do ecosistema galego para o Manual NEE. Este proxecto ten como obxectivo principal a creación dun plan de acción conxunto para apoiar o desenvolvemento dos ecosistemas europeos dedicados á economía de prata, así como promover a inclusión e a interconexión entre actores clave da innovación no sector sanitario e sectores relacionados, como son turismo e deportes. Os premiados foron:
- GRAN3DAD coa boa práctica “The I Feel Method”
- ATENDO coa boa práctica “Digital Competencies Workshop”
O VIII Fórum RIES 2023 foi un éxito rotundo. As experiencias compartidas, os coñecementos adquiridos e as conexións establecidas durante ambas xornadas en Vigo deixaron unha pegada duradeira na comunidade dedicada a construír a resiliencia nun mundo en constante cambio. #RIES23 marcou un fito significativo, consolidando a súa posición como catalizador esencial para o avance cara a un ecosistema sanitario galego de calidade. Dende o Clúster Saúde de Galicia, CSG, seguiremos traballando para mellorar no noso próximo reto: #RIES24.
