O Cluster Saúde de Galicia (CSG) asisitiu o pasado 26 de maio á Infoday sobre a primeira convocatoria de consolidación da Business Factory Food, de interese para os nosos socios FoodTech
O Cluster Saúde de Galicia (CSG) asisitiu o pasado 26 de maio á Infoday sobre a primeira convocatoria de consolidación da Business Factory Food, un proxecto que se dinamiza dende o Clúster Alimentario de Galicia co apoyo da Xunta de Galicia e as empresas tractoras así como con outras entidades con dos obxetivos clave: por un lado fomentar o emprendemento empresarial de carácter innovador en Galicia e por outra parte, facer frente aos desafíos da industria alimentaria, dous motivos que cobran máis importancia na situación actual.
A Business Factory Food é o acelerador do sector alimentario galego que ten como obxectivo promover e atraer proxectos de emprendemento innovadores que resolvan os retos que supón o sector. BFFood ten dous programas específicos de apoio aos proxectos participantes: aceleración e consolidación. Os programas están deseñados para promover os proxectos en función do seu grao de desenvolvemento, desde a idea inicial co programa de aceleración, ata a consolidación de vendas co programa de consolidación.
Como participantes nesta jornada, destacan Unlimited Spain e as empresas tractoras CAPSA FOOD e GADISA, así como representantes dos proxectos seleccionados na primeira edición que se amosaron como casos de éxito entre os que destaca Alpha Cloud. Finalmente, a Administración pública tamén participou xornada e estivo representada por GAIN, XES GALICIA e IGAPE.
En canto á convocatoria de consolidación en si, é importante destacar que ofrece soporte integral e personalizado para o crecemento empresarial. Trátase dun apoio de 12 meses centrado nas empresas xa establecidas con menos de 6 anos de experiencia e que teñen un produto ou servizo definido e as vendas iniciais xa realizadas, aliñadas con algúns dos retos que o sector alimentario pretende resolver a través da Business Factory Food. O programa ofrece apoio que se canaliza nun mentoring directo e un plan de apoio personalizado por unha das empresas tractoras que apadrina e impulsa o proxecto cun plan personalizado de apoio. Tamén inclúe un programa de formación de alto valor añadido. A través deste ecosistema tamén ten acceso a un catálogo de infraestruturas, soportes e servizos técnicos que facilitan e aceleran o desenvolvemento de proxectos, que están postos a disposición de emprendedores tanto por empresas como por entidades colaboradoras da Business Factory Food. Ademais de todo isto, tamén se ofrece financiamento, que se concreta en préstamos participativos de ata 250.000 €.
Por outra banda, os retos que presenta Business Factory Food nesta convocatoria de consolidación pódense resumir nos seguintes 7 puntos: 1) Dixitalización e automatización, este reto busca solucións que se encaixen en tres prioridades: Big Data, Xemelo dixital e IoT; 2) A trazabilidade, a calidade e a seguridade alimentaria, onde os proxectos que ofrecen unha innovación notable en todo o relacionado cos sistemas de xestión de calidade sen papel e os sistemas automáticos de medición en continuo son considerados unha gran prioridade; 3) Loxística, onde destacan a etiquetaxe intelixente e a loxística 4.0; 4) Sustentabilidade e packaging: neste punto, cobran especial interese os proxectos de novos materiais substitutivos para o plástico, totalmente biodegradables, que garantan as características organolépticas dos produtos envasados. 5) Desenvolvemento de novos produtos, destacando aqueles produtos alimentarios que optimicen o estado nutricional das persoas adaptándose ás súas necesidades específicas (idade, hábitos de saúde, fisiopatoloxía, etc.) 6) Innovación e comercialización de procesos. Neste sentido, son relevantes os proxectos que dan un salto na innovación na comercialización e interacción con clientes e consumidores, así como novos procesos de transformación ecoeficientes adaptados á demanda. Como reto final, establécese un reto libre. Neste punto, considérase de interese calquera proxecto que supoña unha innovación, nun sentido amplo (produto, proceso, comercialización, etc.) para o sector alimentario galego, dende a orixe e tratamento da materia prima pasando por produtos de quinta gama ata pechar o círculo alimenticio, buscando a circularidade do fluxo de produtos e servizos empregados nas distintas fases da cadea de valor principal, así como os enlaces laterais. Toda esta información está disponible no seguinte enlace onde se establecen as bases do programa da 2ª edición da convocatoria de consolidación.
Por último, é importante señalar que o prazo para inscribirse na convocatoria está aberto ata o 8 de xunio ás 14:00.
